Marrëdhëniet Politike

Marrëdhënjet bilaterale Greqi-Shqipëri dallohen për kuadrin e gjerë shumëdimensional si dhe për shkëmbime të shpeshta vizitash në të gjitha nivelet. Ekziston një vullnet i shprehur politik i Qeverive të të dy vendeve për promovimin e mëtejshëm të marrëdhënjeve dypalëshe, për zgjerimin e bashkëpunimit dypalësh dhe zgjidhjen e çështjeve të mbetura pezull.

Greqia mbështeti anëtarësimin e Shqipërisë në NATO dhe mbështet ecurinë e saj drejt Europës. Njeh përparimin që ka bërë deri më sot në fusha të ndryshme dhe njëkohësisht inkurajon Tiranën për të vazhduar reformat e domosdoshme, në mënyrë që të përshpejtohet proçesi integrues i Shqipërisë. Plotësimi i kritereve për ecurinë integruese të Shqipërisë dhe zbatimi i standarteve europiane, janë të një rëndësie jetike edhe për mbrojtjen e të drejtave të Minoritetit Etnik Grek.