Amfipolis, një portë mermeri “të çon” në një varr maqedon

Me heqjen e dherave të pavijonit të tretë në tumbën Kasta të Amfipolit antik, janë zbuluar pjesë nga një portë mermeri në murin e tretë diafragmatik, çka dëshmon se ekziston një trajtë varri maqedon. Porta është e ndërtuar me mermer nga ishulli Thasos dhe ka dekoracione që imitojnë kokat e gozhdëve. Në pjesën perëndimore të portës ekziston një menteshë.

Siç shpjegoi arkeologia K. Peristeri, “rënia e pjesëve nga porta prej mermeri i dedikohet ose bombardimeve që u bënë në zonë nga ushtria bullgare në vitin 1913, ose tërmetit me magnitudë 6,8 rihter që u shënua në shekullin e 6-të e.s., ose tërmeteve që u shënuan në shekullin e 19-të. Nuk mund të dimë nëse janë bërë tentativa për grabitje të varrit, vetëm gërmimet do të na tregojnë”, deklaroi zonja Peristeri.

ANA-MPA/-