Nga 7 deri më 10 Gusht, muzikë dhe aktivitete të tjera në Prespa Lake Festival

Një katërditësh  plot me muzikë, hipizëm, jogë, biçikletë  në rrugë malore dhe aktivitete të tjera, do të kenë mundësi të shijojnë  të gjithë ata që do të kenë rastin  të vizitojnë rajonin e Prespës së Madhe, nga dita e Enjte 7 Gusht deri të Dielën  10  Gusht, ku organizohet Prespa Lake Festival.

Është  një festival që zhvillohet  në një ambient të veçantë natyror  të Prespës së Madhe, aty ku ka hapësira të mjaftueshme për kamping, me kusht që  pushuesit  të  kenë çadrat e tyre.

Organizatorë të  Festivalit janë  Bashkia e Prespës  dhe Organizata e të Rinjve të Prespës.