Tsatoumas, medalje argjendi në kampionatin Europian

Medaljen e dytë, përsëri të argjendtë ka marrë Greqia në kampionatin europian të atletikës në Zyrih, kësaj here me Lui Tsatoumas, në kërcimin së gjati. Kjo është medalja e 21-të që Greqia fiton në europianët e atletikës.

Afirmimi për atletin 32 vjeçar që garon në nivele shumë të larta, por nuk kishte arritur të marrë një medalje, ka ardhur pikërisht tani, kur me kërcimin prej 8,15 metra që në provën e parë, mori vendin e dytë në finalen e kërcimit së gjati.

Fitues ishte kampioni olimpik, britaniku Greg Rutherford me 8,29 m dhe medalja e bronzit shkoi tek francezi Kafetien Gomis me 8,14 m.

ANA-MPA/-