Përshëndetja e Zëvendësministrit të Jashtëm z. Terens Kuik, me rastin e Përvjetorit të 28 Tetorit 1940

28  Tetori i vitit 1940 përbën  një pikë  kulmore  në historinë  e re  të kombit tonë, nga njëra anë, për vetë këmbënguljen e një populli për të luftuar  deri në fund për të drejtat e kombit dhe nga ana tjetër, për unitetin e  Grekëve  në luftën  për një botë  më të  ndriçuar nga vlerat e qytetërimit klasik  dhe jo të zhytur  në terrin e urrejtjes dhe të totalitarizmit.

Dhe kjo luftë u kurorëzua me sukses , sepse  Grekët dispononin dhe disponojnë lartësi  shpirti, kujtesë historike   dhe besnikëri ndaj çdo gjëje të shenjtë.

Helenizmi i diasporës, qëndroi si gjithmonë, në krah të atdheut. Grekët u rreshtuan në ushtritë aleate dhe luftuan  për idealet e lirisë. Njerëz patriotë erdhën në atdhe  dhe u inkuadruan si vullnetarë  për të luftuar nën flamurin Grek, ndërsa në vazhdim  shkuan në Lindjen e Mesme  dhe luftuan  gjatë gjithë periudhës që zgjati lufta e dytë botërore. Në fund të luftës u kthyen në vendet e tyre për jetuar  si Grekë homogjenë  dhe për t’i shërbyer  çështjes së përbashkët të  Helenizmit të  përbotshëm.  Edhe  në ditët e sotme, Grekët kudo që jetojnë, nëpërmjet prezencës dhe veprimtarisë së tyre të organizuar, funksionojnë si katalizator dhe  si një bazë solide  për krijimin e një atmosfere   solidariteti  dhe uniteti kombëtar.