Samaras: Po e fitojmë betejën me sakrificat tona

Një Greqie të re dhe më të fuqishme, që po lind nga kriza, iu referua kryeministri grek, Antonis Samaras, duke folur në darkën për nder të ministrave të financave të Bashkimit Europian, dhe shtoi se edhe Europa po bëhet gjithashtu më e mirë dhe më e fuqishme se kurrë.

“Ekonomia jonë po ristarton”, deklaroi kryeministri dhe shtoi: “Shoqëria e ruajti kohezionin e vet, demokracia jonë u rezistoi të gjitha presioneve. E morem veten dhe po avancojmë. Po e fitojmë këtë betejë. Kemi fituar mbi pjesën më të keqe të vetvetes. Kemi hapur perspektivat më të mira për të ardhmen tonë, për të ardhmen tonë të përbashkët”.

Demokracia nuk mund të përparojë e vetme, tha Samaras dhe përfundoi: “Nevojitemi edhe zhvillim ekonomik dhe madje një zhvillim vital; rrënimi i ekonomisë shpie zakonisht në rrënimin e demokracisë, por dhe të shoqërisë në tërësi. Sepse asnjë demokraci nuk mund të mbijetojë brenda një rrënimi social. Nevojitemi gjithashtu kohezion social, që do të bazohet në drejtësi dhe shanse për të gjithë. Asnjë demokraci nuk mund të mbijetojë me një klasë të mesme që degradon dhe me trazirat sociale në rritje”.