Sesioni i 10të Plenar i Asamblesë Parlamentare të Mesdheut në Tiranë, dt. 18-19.02.2016 – Sugjerim i suksesshëm i Delegacionit Grek – Dekorim i Kryetarit të Bashkisë së Lesvos, z. Galinos

Ditën e prëmte, dt 19.02.2016, përfundoi punimet në Tiranë Sesioni i 10të Plenar i Asamblesë  Parlamentare  të Mesdheut, me tema diskutimi sfidat kryesore, zhvillimet politike dhe përspektivat e  rajonit më të gjërë të Mesdheut, dhe në veçanti  çështjen e refugjatëve. Në fillimin e ditës së parë të punimeve, më 18.02.2016, u lexua  mesazhi përshëndetës i Sekretarit  të Përgjithshëm të OKB, z. Ban Ki-moon. Pas sugjerimit  të Delegacionit Grek, të përbërë prej deputetëve,  z.z. Avllonitou, Ballomenaki , Papakosta, nëpunësit të Drejtorisë për Marrëdhëniet Europiane të Parlamentit z. Hondronasio,   Ambasadorit të Greqisë në Tiranë z. Rokanas dhe Këshilltares për Komunikim në Ambasadë   znj. Servitzoglou, Kryetari i Kuvendit të Shqipërisë z. Ilir Meta gjatë fjalës së tij, shprehu solidaritetin e tij  për Greqinë dhe mbështeti qëndrimin e qeverisë greke  për çështjen e refugjatëve. Theksoi se koniukturat imponojnë  një zgjidhje europiane, kolektive  dhe humanitare, se vëndet që janë prekur direkt  prej problermit të refugjatëve duhet të kenë mbështetjen e të gjithëve  dhe u prononcua në favor të zonës Shengen. Kryetari i Kuvendit  u tregua shumë i gatshëm që  në fjalimin e tij të hapjes,  si dhe në konferencën e shtypit pas përfundimit të sesionit, të  përfshinte   deklarata solidariteti kundrejt Greqisë. Delegacioni Grek ndërhyri gjithashtu me sukses pranë kryesuesit të punimeve të sesionit të Asamblesë  Parlamentare të Medheut, në mënyrë  që të mbështeteshin  pikpamjet greke. Kryeministri Shqiptar z. Edi Rama gjithashtu,  dy herë gjatë fjalës së tij përshëndetëse, shprehu solidaritetin e tij për Greqinë dhe theksoi se vendet e B.E  dhe të Mesdheut, duhet të tregohen solidare kundrejt Greqisë, Italisë dhe Turqisë.

Vlen të theksohet se, si Kryeministri i Shqipërisë z. E . Rama ashtu dhe Kryetari i Kuvendit z. I. Meta, në fjalimet e tyre  i kushtuan rëndësi të veçantë  përpjekjeve që bën Greqia për trajtimin e viktimave të  fenomenit të refugjatëve  dhe shprehën mbështetjen e tyre  të plotë  për Greqinë.

Sipas shtypit shqiptar, në sesion pati pjesëmarrje delegacionesh nga të gjitha pothuajse vendet e Mesdheut.

Në ditën e dytë të punimeve të Asamblesë Parlamentare  u zhvillua një ceremoni dekorimi personash, Organizatash dhe Institucionesh , që  me veprën, angazhimin dhe  arritjet  e tyre, u shquan në avancimin e Idealeve  të nismës së Mesdheut. Midis tetë të dekoruarve, ishte edhe Kryetari i Bashkisë së Lesvos z. Galinos, i cili në përshëndetjen e tij, analizoi problemet me të cilat përballet ishulli   dhe zona  të cilën ai mbulon, nënvizoi shkaqet reale  dhe propozoi  mënyra efikase  për përballimin e këtij fenomeni. Pikat kryesore  të fjalimit të Kryetarit të Bashkisë së Lesvos përfshihen në Deklaratën e Bashkisë së Lesvos, e cila iu shpërnda  deputetëve Grekë dhe të dekoruarve të tjerë.

Pas mbarimit të punimeve të Sesionit  të 10të të Asamblesë Parlamentare të Mesdheut, u shtrua drekë gjatë të cilës  delegacioni Grek u informua për probleme të Minoritetit Grek nga ana e deputetit dhe kryetarit të PBDNJ  z. Vangjjel Dule dhe nga kryetari i OMONIA-s  z. Leonidha Papa.