Takim i Ambasadorit të Greqisë z. Leonidhas Rokanas me znj. Zana Çela

Takim me Zana Çelën, kryetaren e Shoqatës kulturore "Kulturë-Media-Art", zhvilloi sot paradite Ambasadori i Greqisë në Tiranë z. Leonidhas Rokanas. U diskutua për pjesëmarrjen e Greqisë në Festivalin e përvitshëm Ndërkombëtar Operistik ‘Marie Kraja’, i cili organizohet në Tiranë që prej vitit 1999 me pjesëmarrjen e artistëve nga e gjithë bota. Për vitin 2014, është programuar që festivali të realizohet gjatë datave 31 tetor dhe 1 nëntor. Përveç pjesëmarrjes të një artisti grek, zonja Çela kërkoi gjithashtu dhe një pjesëmarrës grek në jurinë e festivalit. Në takim u diskutua gjithashtu mbi mundësinë e bashkëpunimit të mëtejshëm të Ambasadës me Teatrin Operës dhe Baletit të Tiranës për organizimin e aktiviteteve kulturore.